بقالى كام يوم عمال انزل فى العفش و انزل للشقة الى فى الدور الأول علشان نوضب الشقة الى احنا فيها علشان أتجوز ....وأمبارح نزلت سريرى و مكتبى و حاجتى كلها...وبعدين قولت اية دة يعنى دية أخر مرة حقعد فيها هنا.... فى غرفتى...العيال مش حيجولى و نقعد فيها و نتفرج على الأفلا م و أبقى نايم مثلا الاقى سعد ولا مهاب داخل الغرفة عليا يصحينى...يعنى خلاص مش حرجع من الشغل كدة اروح داخل غرفتى وقاعد قدام الكمبيوتر براحتى كدة وأعمل الى انا عايزة و افسسسسسسسسسس دماغى....يعنى النهارد حتبقى أخر مرة حولع فيها سجارة وانا نايم على سريرى ولا وانا واقف فى شباكى و مشغل اغانى ....مش حطلع أعيش تانى فى غرفتى غير وأنا متجوز ....مش ححط سجايرى و مفاتيحى و حاجتى فى الدرج تانى ...وخلاص كدة حتروح كل اسرارى و عاميلى الى مخبيها فى غرفتى... وسبحان اللة زى ما كانت غرفتى قبل لجواز حتبقى بردة (انشاء الله)غرفتى لما اتجوز....أية دة أنا حتجوز(لسة مش مقنع انى بكبر) أنا مش مصدق اصلا..... أة أنا نفسى اتجوز بس عارف برضة الواحد حيفتقد حياتة قبل الجواز قعدتى و غرفتى وصياعتى و أنى لوحدى بطولى كدة..... قاعد اتفرج على فيلم ماشى...قاعد باصص للسقف ماشى ...بحاول انام ماشى مبعملش حاجة و متنح مااااشى برضة براحتى (مش عارف اطلع انا قصدى اية)...ولا حنام عاى السرير كدة واكلم خطيبتى و افضل اقولها و تقولى يالا بقى امتى الأيام تعدى....... ياةةةةةةةةةةةةةةة أنا عايز غرفتى بقى.... غرفتى يعنى حاجات كتير يعنى حياتى الى قبل كدة ولما تتغير غرفتى ححتغير حياتى (يا مسهل)حفتقدك جدا يا غرفتى بكل معانيكى و كل ما فيكىوكل بلاويكى يالى ياما شيلتينى
