الاثنين، 29 يونيو 2009

ألم يحن الوقت بعد؟



ألم يحن الوقت بعد؟


ألم يحن الوقت بعد؟


ألم يحن الوقت بعد؟


هل حان الوقت أم لا؟


هل حان الوقت أم لا ؟


الآن أم متى ؟


الآن أم متى؟

الاثنين، 22 يونيو 2009

الأسكندرية بوجهين

من غير الكلام الصور بتقول كل حاجة










|
|
|
|
|
|
|
|
|
|
|
|
|
|
|


هى كدة اصلا
اة يا أسكندرية
دوس على الصور علشان تكبر



























ومع انهم مش بيشفوها و هى حلوة كدة و نضيفة و على طبيعتها الأ انهم لسة بيعشقوها و بيقولو عليها جميلة
كويس ان الصيف مش بيطول اكتر من كدة

الأربعاء، 17 يونيو 2009

رحمك الله يا أم إبراهيم


من أسبوعين كده كنت قاعد مع واحد صاحبي و قاعدين كالعادة بنتكلم عن الدنيا و الحال و الأحوال و العيشة والى عيشنها المهم صاحبي دة كان قاعد و لابس وش بلاستيك ....أية يا عم مالك قرفان ليه و زهقان قالي هاتلى سيجارة اشد فيها بدل م اشد في شعري من العيشة الهباب الى إحنا عايشنها .....فقلتلة ليه يا عم بس ماهى ماشية و الحمد لله (أنا كنت ساعتها واخد قرار من فترة أنى أنا الى بحكم نفسي مش نفسي الى بتحكمنى واني عندي حاجات كتير تخليني مبسوط اكتر من أنى أكون متنكد)المهم لقيتة بيقولى يا عم أنا من ساعة ما الموبيل بتاعى أتسرق عايز أجيب موبايل تانى و مش عارف عايزلى يتاع 1.200 جنية فوق الى معايا عشان أجيب الموبايل وبعدين كمان عايز أغير العربية أنا بعت العربية الى معايا و لسه مش عارف حاجيب العربية ازاى و أكمل فلوسها ازاى ؟.....فبقولة ليه أنت معاك كام ...قالي معاية 50.000 جنية و أبويا قالي حيديني 25.000 جنية بس دول بردة ميكفوش عشان العربية الى أنا عايزها عاملة 95.000 جنية دى عيشة تزهق حتى الموبايل ولا العربية الواحد مش عارف يغيرهم و أبويا دة غاوي يرخم عليا و خلاص أنا زهقت من الراجل دة .....وكمان أنا عايز أتجوز....أنا بقى قاعد بسمع كل دة و عمال أقول في نفسي اة يابن الهايفة هي دية مشاكلك ...آمال أنا أقول أية أنا الى بتجوز و بجهز نفسي و الشقة و الشبكة و المهر و الهجص دة كله وفى نفس الوقت و أنا بفكر في الحجات دية قولت أكيد بردة في ناس تانية شايفين إن الحجات اللي أنا شايفها مشاكل كبيرو بالنسبالى أكيد بالنسبالهم يقولوا أية الهيافة الى هو فيها دية مش كفاية أنة قادر أنة يفكر يتجوز ولا أنة عنده أب جابلة الشقة .....رحت طالع من سرحاني دة و لقيتة لسه عمال يشكى ويقولى أنا عايز أتجوز تقوله ليه يا عم يقولك آهة كده الموضوع زى مابروح الحمام و أكل و اشرب آهة الجواز كده ....وهوب رحت طالع فيه قولتلة يا عم أنت أنت واخد بالك أنت بتقول أية أنت واحد ببقول أنة عايز يجيب موبايل و انك عايز تجيب عربية و أبوك حيكملك على فلوسها و مخنوق من أبوك عشان بيوديك المصنع بتاعكو إلى في برج العرب ....أية يا عم كل دة مش عجبك متقول الحمد لله على الى أنت فيه ...........مش كان ربنا قادر يخليك قاعد نفس القعدة دية بس و أنت عمال تشكى من أمك عايزة تعمل عملية مثلا و أنت مش عارف تتصرف و أبوك سايبلكو البيت و مش موجود و أخوك مثلا مدمن ومطلع عنكو .....أو يا عم كان ممكن تبقى بتلات صوابع يا عم احمد ربك إننا عندنا حتة بنام فيها انك بتعرف تفتح عنيك و تقفلها انك الحمد لله ربنا خلقك في أحسن تقويم و مطلعتش مثلا عندك عته مغولي ....المهم قالي أنا معاك في كل دة و أنا بقول الحمد لله بس يعنى الواحد بيقول كده فضفضة ....قولتلة اة يبقى بلاش و ش الكلب الى أنت لابسة من ساعة ما جيت و قول إنشاء الله وبس ..........المهم تانى يوم وأنا في الشغل لقيت نمرة غريبة بترن اتارى الواد جاب التليفون الى هو عايزة فبسئلة أية الى حصل قالي لما روحت من عندك أمبارح لقيت امى مطالعالى فلوس و بتقولي خد كمل على الى معاك و هات التليفون وابقي هات الفلوس في اى وقت .....قلتلة شفت يا قلة لو صبر القاتل على المقتول كان مات لوحدة المهم بعد ما قفل معايا اتبعتلى ميل من زمايلى في الشغل فيه فيديو عن أم إبراهيم .... أم إبراهيم دية للي ميعرفهاش و حدة ست عجوز جدا عايشه في غرفة لوحدها و كمان ضريرة ومحدش معاها .... يا جماعه الست بتاخد 60 جنيه في الشهر و بتحمد ربنا....وعمرو الليثى يقولها مش عايزة حاجة اى حاجة اعملهالك تقوله شكرا دة الستين جنية بيفيضوا منى ومفيش على لسانها غير الحمد لله و عمالة تدعى للرسول ولدينه وتقول الحمد لله الى معاهم فلوس كتير دول و حشين و بتتكلم بصدق و إيمان تام بالى بتقوله ....مدعتش على الحكومة ولا قالت يدونى معاش و لا دعت على عيالها أنهم سايبنها لا دول صعبانين عليها كمان ولا قعدت تقول أنا عيانة و مرضانة و تشكى و تتوجع و تتمسكن ولو كانت عملت كده كان حبيقى حقها بردة .......واتفرجت على الفيديو ودية كانت أول مرة في حياتي أتفرج على حاجة و تخليني اعيط كنت دايما بستغرب من الناس الى بتعيط علطول دية ......وبعد الفيديو قررت أنى اكتب البوست دة لحد الحتة دية بس انشغلت و نسيته مؤقتا ....بس النهاردة اتبعتلى على الميل فيديو بتاع عمرو الليثى(واحد من الناس) بيقول إن أم إبراهيم توفاها الله...................

أم إبراهيم غيرتني و خليتني أفكر بطريقة تانية

أم إبراهيم مكنتش أتصور إن في ناس كده زيها موجودة

أم إبراهيم ماتت يوم اثنين و هي بتصلى العصر قبل ما تستلم شقة واحد كان أتبرع بيها عشانها .

اللهم ارحم أم إبراهيم وارحم موتانا وموتي المسلمين أجمعين

اللهم ارزقنا القناعة والرضا
اللهم ارزقنا القناعة والرضا
اللهم ارزقنا القناعة والرضا
يا رب .. يا رب .. يا رب

http://www.youtube.com/watch?v=ouuF37kPork

الفيديو بتاع أم إبراهيم رحمها الله

الثلاثاء، 16 يونيو 2009

طلبت معايا

مش عارف طلبة معايا أنى أمسك أيدك و ارقص معاكى.....و نفضل نرقص و بعديها نرقص ....و نشغل المزيكا على أعلى حاجةو مش مهم الناس مهى الناس مبتبطلش كلاكسات و زعيق و كلام حتى الكلام بيبقى بصوت عالي هي جت عليا أنا ......المهم إنا إحنا بعد الفرهدة دية حنجوع و نبقى عايزين ناكل و نلاقى إن الساعة واحد بعد نص الليل نروح داخلين المطبخ ندور على حاجة ناكلها و بعدين تطلع في دماغي ننزل ناكل بره .....نروح طالعين على(Hardees) الى في ستانلي على البحر و نجيبلنا (2 big champ combo) مع(extra cheese and extra mushroom) وناكل ....و بعديها نروح طالعين على(MacDonald) نجيب الأيس كريم الرسمي بتاعنا صنداى شوكولاتة و بعديها مش حنبقى قادرين نتحرك نقوم نتمشى شوية على البحر وكلام كلام كلام كلام كلام و نتفق إننا بعد مرجع من الشغل نروح طالعين على القاهرة عشان نروح سيتي ستارز عشان نفتكر أيام زمان....ونلاقى نفسنا عند البيت و نطلع ننام وأنتي تصحينى تانى يوم بطريقتك …………..ولما اصحي الاقينى بقول أنا حضرب اليوم النهاردة مش رايح الشغل و نروح نعمل فطار و اقوللك أنا عايز التوست الى بتحطى علية بيض وزبده دة و تعمليهولى و نفطر في المطبخ......... و بعديها نلاقى إن الساعة لسه 10 نروح نازلين رايحين النادي وإحنا في السكة ألاقيكى بتقولي ما تيجى نروح سيتي ستارز دلوقتى بدل منروح بليل ...و فجاءه نكون معدين من عند كارفور ورايحين عند البوابات ونوصل سيتي ستارز ونتمشى فيه ونفضل نفتكر أيام ما كنا بنيجى هنا و المواقف الى كانت بتحصلنا ونفتكر لما كنا بندخل استقبال ونقول امتى بقى يبقى عندنا حاجتنا ..ونضحك و نقول سبحان الله الوقت عدى آهة وإحنا كنا فاكرينه مبيعديش ....وتروحي قايلة الساعة بقيت 3 تعالى نروح نتغدى عند ماما ونروح ليهم و يفاجئوا إننا في القاهرة و يعتبوا علينا إننا مجيناش علطول عليهم و نتغدى معاهم ..........و مامتك تفضل تقولك يا بنتي براحة على نفسك مش كده دة انتى جيبتى هبل للي في بطنك ذنبه أية إن أبوة و امة لاسعين تروحي انتى قايلة متخافيش علية أدية بيتفسح معانا بكرة يجى و يقعدنا في البيت .....وأنا أقول إنشاء الله(بشوق من جوة كدة) ....وهوب نروح قايمين و نازلين و يقولونا على فين نقول يادوب عقبال ما نرجع الإسكندرية عشان الشغل بكرة وكدة ....ونرجع بقى البيت و أحنا في السكة نجيب معانا حواوشى و كيس شيبسى كبيير و بيبسي كبير ونروح قاعدين مشغلين (friends)ونتفرج عليها في الركنة بتاعتنا....... ونفضل نضحك عليهم وبعدين ألاقيكى بتسقطي و أقولك عايزة تنامي وانتى تقولي لا أنا صاحية مع انك بتنامي على نفسك وأروح شايلك ورايح على غرفتنا وننام والاقيكى بتصحينى الصبح بطريقتك وتقوليلى يلا اصحي حتتأخر على الشغل .

الأربعاء، 3 يونيو 2009

To My Love

Hustle Bustle
And so much muscle
Our cells about to separate
Now I find it hard to concentrate
And temporary, this cash and carry
I’m stepping up to indicate
The time has come to deviate and

All I want is for you to be happy
And take this moment to make you my family
And finally you have found something perfect
And finally you have found…

Death defying, this mess I’m buying
It’s raining down with love and hate
Now I find it hard to motivate
And estuary is blessed but scary
Our hearts about to palpitate
And I’m not about to hesitate

And want to treasure the rest of your days here
And give you pleasure in so many ways, dear
And finally you have found something perfect
And finally you have found…
Here we go.

Do you want me to show up for duty?
And serve this woman and honor her beauty?
And finally you have found something perfect
And finally you have found... yourself
With me...
Will you... agree... to take this man... into your world..
And now... we are as one...

My lone ranger,
The heat exchanger
Is living in this figure 8
Now I’ll do my best to recreate.
And Sweet precision.
And soft collision
Our hearts about to palpitate
Now I find it hard to separate.

And all I want is for you to be happy
And take this woman and make you my family
And finally you have found someone perfect
And finally you have found

All I want is for you to be happy
And take this woman and make you my family
And finally you have found someone perfect
And finally you have found…
Yourself.

الاثنين، 1 يونيو 2009

من رحلاتى للبندر

المكان محطة مصر الأسكندرية..........واقف مستنى الميكروباص يحمل يوم الخميس بعد ما خلصت شغل علشان اسافر لخطيبتى
مش عارف لية ببقى مستمتع جدا و انا رايح :)....المهم ماسك فى أيدى بيبسى ماكس و مولع سيجارة و الاقى عربية فودافون ألى بتبقى واقفها تبيع خطوط و كدة مشغلة أغنية كنت بغنيها بالصدفة قبل منزل من البيت سبحان اللة ....وبعدين دة أغنية بتاعة محمود العسيلى ....قديمة من اول شريط عملة وهب لاقيتها شغالة...بحب انا الصدف دية ......المهم جة واحد كدة صعيدى.....
-رايح فين دة يا أستاذ
-رمسيس أنشاء اللة يا حج
-على بركة الله
المهم الحج ركب و فجاءة راح ناطط على رجلى مطلع دماغة من الشباك و عمال ينادى على محمد يا محمد
قولتلة اية يا حج فى اية ....قالى اصل انا عايز أقول لمحمد انى مسافر .....وراح مطلع راسة وفضل يقول يا محمد .....المهم راح موقف السواق علشان ينزل ينادى على محمد....لمل رجع بقولة
-ها لقيتة
-قالى لا مالقيتوش
-قولتلة ما هو محمد دة لو كان موجود اصلا مكنتش حتلاقية يعنى انت فى محطة مصر و بتنادى على واحد اسمة محمد:)
-على رأيك يا استاذ بس انا كنت عايز اقولة انى مسافر عاشان ميقلقش عليا
-قولتلة نوصل مصر يالسلامة و طمنة فى التليفون
حبة كدة و نام الحج و الراجل راح مشغل فيلم كابتن هيما وأنا رحت حاطط السمعات فى و دانى و شغلت مزيكا
وصلت رمسيس ركبت المترو الى بعتبرة احسن و أسوا أختراع اتطبق فى مصر
ركبت المترو و كان فية 3568443874 واحد فى العربية الى انا فيها و فضلت عامل كدة 22 محطة لحد ما وصلت وادى حوف
ورحت الشقة .....عمات اندومى المعتادة و صحيت تانى يوم وروحت لخطيبتى ....ياةةة بتوحشنى اوى البنت دية (يا مسهل الحال)
ونزلنا نبص على السيراميك وأخترنا ألى عجبنا و المرة دى كانت من احلى المرات ألى خرجنا فيها أنا و هيا كانت (أوعدنا يا رب)
ورجعت أسكندرية السبت باليل علشان اصحى اروح الشغل علشان الحق اروح علشان أكما نقل علشان العمال جايين النهارة
حيعملوا التالى -نكسر الحيطان و ندخل البلكونة و نقفلها
-اشيل الأرضيات علشان تتغير و السباك يجى يعمل الصرف بتاع المطبخ و الحمام
-و الحداد يجى علشان يعمل شاسية علشان يقفل البلكونة (حوار)
-و عايز انزل لصلاح اجيب من عندة المواسير و الحجات الى خالد السباك طلبها
بس يا سيدى و أدينا ماشين و ربنا يسها الحال و عقبال الأولاد انشاء الله