و أخيراً فهم و مشى

و أخيراً فهم و مشى.....حاسس أن الشعب جاب جول فى الوقت بدل الضايع ....ربنا يسهل وتكمل على خير

الحمد لله رب العالمين

أزاى

طلعت كل المظاهرات عشان دية بلدى و حتفضل بلدى غصبعن أتخن تخين فيها و فاكرها تكية أبوة

فخور بأنى مصرى

ازاي ترضيلي حبيبتي..... اتمعشق اسمك و انتي..... عمالة تزيدي في حيرتي و مانتيش حاسه بطيبتي ازاااااااااااي........ مش لاقي في عشقك دافع ولا صدقي في حبك شافع....... ازاي انا رافع راسك وانتي بتحني في راسي ازااااااااي........ انا اقدم شارع فيكي و آمالك من اللي باليكي انا طفل اتعلق بيكي في نص السكه و توهتيه........ انا لو عاشقك متخير كان قلبي زمانه اتغير وحياتك لأفضل أغير فيكي لحد مترضي عليييييييييييه......... ازاي ترضيلي حبيبتي....... اتمعشق اسمك و انتي .....عمالة تزيدي في حيرتي و مانتيش حاسه بطيبتي ازااااااااااا........ مش لاقي في عشقك دافع ......ولا صدقي في حبك شافع..... ازاي انا رافع راسك وانتي بتحني في راسي ازااااااااي

ازاي سايباني في ضعفي..... طب ليه مش واقفة في صفي...... و انا عشت حياتي بحالها عشان ما ألمحش في عينك خووووووووف..... و في بحرك ولا في برك...... ازاي احميلك ضهرك...... و انا ضهري في آخر الليل دايما بيبات محني و مكشوووووووف....... انا اقدم شارع فيكي...... و آمالك من اللي باليكي...... انا طفل اتعلق بيكي في نص السكه و توهتيه......

يوم الغضب (ممكن)

جلست مع اصدقائى نناقش اسباب المظاهرات واندهشت من بعضهم عندما قالوا هؤلاء يتظاهرون من اجل لقمة العيش انم احنا نتظاهر لية الحمد للة ...احنا بنقبض بألاف وعندنا شقق و عربيات وبناكا احسن اكل نتظاهر لية .....أنا أستغربت جدا اتظاهر لية ....انا شايف ان فى حاجات كتير مش عجبانى .....انا أتظاهر عشان أمشى فى شوارع نضيفة ....عشان مستشفيات الحكومة تكون بتعالج الناس بجد مش بتقتلهم....وأتعالج فيها بدل م اروح مستشفى خاص وادفع فلوس على الفاضى وانا لية حق فى مستشفيات الحكومة.....أتظاهر عشان ابنى .....عشان يلاقى مستقبل كويس وأحسن ....اتظاهر عشان أنا نفسى بلدى تكون أحسن البلاد ....لية متكونشى بلدى مكان البلاد التانية المتقدمة ....و الناس تكون حتموت نفسها على تأشيرة مصر .....ولا يكون نفسهم يشتغلوا فيها .....لية مبقاش مبسوط ان ابنى معاة الجنسية المصرية بدل م اقوا انا عايز اخلفة برة ..ويكون معاة جنسية نضيفة ....أتظاهر عشان الى احنا فكرينة خير وعايشين فية دة ميجيش 1% من الخير الحقيقى الى المفروض يوصل للشعب ....أتظاهر عشان الى متحكمين فى البلد مبيشتغلوش عشان البلد لأ دة بيشتغل ضدها ....وفاكر انة عشان فى منصب يبقى بنى ادم احسن من الخلق و مش فاهم انة شغال عند الناس مثلا(حد يقدر يفسر لية الناس بتتخانق على مجلس الشعب )ومحدش يقول عايزين يخدموا....عشان هما عارفين انى بيكون فى مجلس الشعب هنا فى البلد دية ممكن يطلع بأد أية من وراة .....أتظاهر عشان عايز أخويا يرجع يشتغل فى بلدة ...وصاحبى يلاقى شغل يليق بية بدل ما يكون متخرج من هندسة وشغال بياع فى محل ....أتظاهر عشان كمية الناس الى بقت تقتل بعض على ولا حاجة بقو كتير ودة نتيجة الفساد الى احنا فية.....أتظاهر عشان الناس الى مش لقية تاكل ولا تشرب مية نضيفة ...مهى الناس دية لو فضلت كدة حيتوحشوا ومش بعيد أتئذى منهم ....اتظاهر عشان مبقيناش زى زمان زى ما كانوا بيقولوا عن المصريين(أهل الكرم والسماحة والجدعنة و الشهامة و الطيبة وأصحاب نكتة)طب بزمتك أخر مرة سمعت حد بيقول نكتة كان أمتى ....أتظاهر عشان مش معقول ولا منطقى يبقى عندنا بحر ابيض و بحر احمر و نهر النيل و قناةالسويس و عندك صحارى وعندك وديان وجبال وعندك تلت اثار الدنيا وعندك اقدم تاريخ فى الدنيا .........ودة يبقى حالنا ياخى .....يا راجل دحنا من 50 سنة بس كان عندنا عيد للقمح وعبد الوهاب مغنيلة وكان عندنا أحسن قطن فى العالم ...وكنا تانى احسن صناع سينما فى العالم ...ودة يبقى حالنا ....يعتى كل المعطيات الى عندنا متخلكش خالص تفكر ان دية تبقى النتيجة وان دة يبقى حالنا ......ياراجل دى روسيا فى الستينات أعطت لمصر و الهند مفاعل نووى فى نفس الوقت

...والأن الهند أصبحت من الدوا اصحاب النووى ....ونحن مازلنا نبحث عن مكان نضعة فية يا ترى فى الضبعة ولا فين ...يا راجل دى اليابانمضروبة بقنبلتين نوويتين وفى اقل من 70 سنة اصبحت من اقوى الدول اقتصاد فى العالم .....ويقولك الشعب عمال يزيد ويتحججوا بينا م الصين اهى بالمليلرات وشغالين فى كل حاجة ....وعارفين يستغلوا الثروة البشرية مش أحنا .......ألا ترى سبب معى للتظاهر حتى لو كان عندك شقة و عربية و شغل بالأف الجنيهات ....ثورة من اجل أخواننا فى هذة البلد ....ثورة من أجل هذة البلد سواء رضيت أم أبيت هذة بلدك وهذة حقيقة غير قابلة للتغير ولكن هناك أشياء أخرى يمكن لها التغير ...من أجل مصر................

حجار و حجاب

حجار و حجاب الفرق حرف ما بين الأسمين بس الأتنين قمة فى الأداء

قالوا زمان دنيا دنية غرورة

وقلنا واللي تغرّه يخسر مصيره

قالوا الشيطان قادر وله ألف صورة

قلنا ما يقدر ع اللي خيره لغيره ..

ايه معنى دنيتنا وغاية حياتنا

اذا بعنا فطرتنا البريئة الرقيقة ؟

وازاي نبص لروحنا جوه مراياتنا

اذا احنا عشنا هربانين م الحقيقة ؟

المال تجيبة الريح و تاخدة الهوايل

أما البنون يوم الحساب بيفوتونا !

مال اية دة لو كان مال قارون كلة زايل

ولا غير عمايل الخير ياهوووة ينجدونا !

ومين نكون ان بعنا يومنا وماضينا ؟

وليه نعيش اذا كانش بكرة يراضينا ؟

وازاي ننام من غير ما نحلم ببكرة ؟

وبكرة ده منين ييجي الا بايدينا ؟

أحلامي تصلبلي ضهري ، ويروق ويصفالي دهري ،

ويلالي زهري وجواهري لكل ناسي وليا ..

يا دنيا لما تضري غيري مسيرك تمري ،

وبعد مري تسري نفسي العفيفية الغنية ..

لا المال ينور طريقي ولا البنون بلوا ريقي

عملي في حياتي رفيقي في وقفتي الآخرانية