النهاردة يوم تانى ...الفرق بينة و بين امبارح انة ..انة...انة..مفيش فرق طب الفرق ما بينة وبين اول امبارح برضة مفيش اليوم متقسم لخمس لقطات بالنسبالى
اللقطة الأولى ....بصحى من النوم مش فاهم حاجة اعمل كام حاجة كدا ورا بعض محفوظين واروح واخد كام بونبوناية فى جيبى و انزل فى نفس المعاد كل يوم علشان اركب و اروح المكتبةاللقطة الثانية .....بقعد على مكتبي و بدوس alt+ctrl+delete وافتح المصرى اليوم اشوف اية الأخبار لحد ما الشاى بلبن يجى ...ارو شاربة واقعد اشتغل
اللقطة الثالثة ..... واقف عند بتاع الحاجة الساقعة بجيب واحدة ماكس واخدها واقف عند القبة السماوية اولع سيجارة
واتفرج على الناس وانا حاطط السمعات فى ودانى وهوب اروح طالح مكتبى تانى قاعد اشتغل
اللقطة الرابعة.....راكب و مروح البيت وماشى فى شارع سوريا ...نفس الراجل الى قاعد كل يوم فى مكانة كأنة حتة من المكان ...سلام عليكم وعليكم السلام ورحمة اللة و بركاتة ...اطلع اسلم على ابويا و امى و ادخل اوضتى افتح الكمبيوتر واعد علية بتاع ساعة معملش حاجة و اقول حنام
اللقطة الخامسة.... قاعد على الكمبيوتر يأما قاعدين على الكمبيوتر عند سعد او عند مهاب واكون بنام من اول الساعة 12 كدة و هوب الاقى نفسى بصحى من النوم مش فاهم حاجة اعمل كام حاجة كدا ورا بعض محفوظين واروح واخد كام بونبوناية فى جيبى و انزل فى نفس المعاد كل يوم علشان اركب و اروح المكتبة
وهو دة الى بفتكرة من يومى و ببقى حاسس بية غير كدة كل التفاصيل الى فى النص مش ببقى موجود ساعتها انا ببقى كأنى و اقف بتفرج من برة او كأن حد حكالى.....والغلاسة ان الموضوع دة مبيخلصش علشان كان قبل دول كان فى خمس لقطات غيرهم فضلو بتاع اربع او خمس سنين الى قبل الخمس سنين دول عاملين كأن حد برضة حكالى عنهم من زمان مش عارف يمكن علشان مش بحاول افتكرهم كتير ما علينا...كنت بقول الغلاسة ان الموضوع دة مبيخلصش
زى بالظبط ما كان الواحد بيبقى فى قمة السعادة ان النهاردة الخميس و حتفرج على ماما نجوى و بقلظ وبعديها اتفرج على جرينديزر وان تانى يوم اجازة و حروح انادى الصبح دة كان بيبسط الواحد زمان وبعد كدة الواحد خلاص بقى فى ثانوى اللة انا كبير امتى اخلص و ابقى فى كلية هوب انا شغال و خاطب و حتجوز فا اكيد ان الى و صلنى لدة ان الواحد الحاجة الى بيعوزها بتكبر..... ياةةة انا لو اخدت خمس الاف جنة فى الشهر حبقى مرتاح و اجيب عرية جديدة ....جبت دول انا عايز اصيف فى الساحل و عايز شالية فى مارينا ...يعنى كل شوية الحاجة بتكبر و كل ما بتكبر بتصعب و لو متعملتش بتبقى اصعب الموضوع وصل من جريندايزر لشالية فى مارينا .....عايز اطلع الساحل و هو فاضى كدة فى الشتا حيبقى جامد اكيد ...مفيش اى حاجة من المكتوبة دية مترتبة ولا ليها علاقة ببعض اةةة يا دماغى
انا فى اللقطة الخامسة وقاعد فى البيت
