أنا:مش انا جبت الأجهزة الكهربائية
نفسى:يا راجل الف الف مبروك بس امتى الكلام دة ؟
انا:من تلات اسابيع كدة
نفسى:اية و انت كنت فين كدة بقاللك حبة
انا:ما انت عارف يا ريس شغل بقى و متزاول و اللة على الأخر
انما انت عامل اية كدة ؟
نفسى :الحمد للة ماشى الحال حالى من حاللك انما انت ماللك مبسوط كدة لية ؟
انا:اصلى لسة كنت فى القاهرة امبارح ولسة راجع بقى انت عارف بقى (بيقول كدة و بقة مفتوح على الجنبين 6 متر)
نفسى:ربنا يسهللك الحال كدة انشاء اللة و اية جديدك عملت اية هناك ؟
انا:قال يعنى مش عارف؟
نفسى:ما انت فاهم الليلة ياعم انا لازم تحكيلى علشان مش بفتكر حاجة مش بحس انى موجود
أنا: قال اية انا جبت سخان.... واقف انا فى المعرض مش فاهم حاجة كل حاجة عندى شبة بعض و محتار... و هى خطيبتى تقولى اية رأيك.. دة و لا دة ... و انا طبعا شايف كلة شغال مفيش فرق.... و اختراعات عجيبة لو عايز مية سخنة ولا مش عارف اية اكتب انت بس درجة الحرارة و زراير كدة تقولش كابينة طيارة و الغسالة بقى انا مسميها الة الزمن كلة ديجيتال .....و تحس كدة و الراجل بيوصفهالك انا شوية و حيوقلك انها بطير و ممكن تتحول لطيارة هليكوبترلأ واية بتصلح نفسها بنفسها سبحان اللة .....زى التلاجة برضة نفس النظام ارقام اية و مصطلاحات كدة كتير عن حاجات كتير ....وانا عمال اقول فى فى بالى اية يا جدعان دية تلاجة يعنى مش كدة...... تحس انة علم لوحدة وطبعا البوتجاز. و الحلو فى الموضوع ان كلة سيلفر مركبة فضاء بجد بس انا مبسوط ان الحجات دية جت و دة معناة ان فى تقدم .
نفسى: طب و اللة كويس ...ها كمل وأية تانى؟
انا:فرهدة يا عم بس مش حقولك.... و المرة دية لما سافرت جبت بقى غرفة النوم و غرفة نوم الأطفال و انترية و ركنة سبحان اللة بعد ما كان لية غرفة بس وقاعد فيها حيبقى عندى بيت و بتاعى و انا الى مسئول عنة مستوعب انت الكلام دة ؟
نفسى:لأ
انا:ولا انا
نفسى ضحكت عليا ضحكة سخرية كدة و قالتى ها كمال
انا:يا عم دة حاسس انى لسة فاكر لما كنت فى تانية حضانة و مصطفى اخويا كان كبير بقى و فى تانية ابتدائى و جالى الفصل على اساس انة أخويا الكبير يدينى سندوتشات و بونبونى كدة كات شريط طويل ...ساعتها انا فاكر قلت ياة امتى اكبر و ابقى قدة كدة و اخلص من الحضانة و اروح المبنى بتاع ابتدائى (سبحان اللة)
نفسى:فاكر اة طب فاكر انت ساعة ما شريط هشام عباس الى فية اغنية زمان و انا صغير
انا:اة فاكر ساعتها قولت دة عبيط ولا اية مش عايز يكبر بقى كدة و ميبقاش فىمدرسة حد ميحبش انة يبقى كبير .... شوف التفكير و دايما اكتشف ان كل حاجة كانت بتتقال ليا من ابويا و أمى ربنا (يخليهم)تطلع صح .... بس ساعتها الواحد مبيبقاش مخة مستوعب الكلام دة ..... هى دية بتبقى اكبر مشاكلة لو قلت لأى حد فى اعدادى و لا ثانوى و لا كلية انت ياعم المرحلة الى انت فيها دية احلى و اسهل .... اللى بيتقالو الكلام دة مش حيستوعب... و طلع بجد ان كل و قت و لية حلاوتة يعنى انا الوقت الى انا فية دة شايف ان فية حاجات كتير صعبة عايز اعديها بالنسبة لبعد كدة حقول اية الدلع الى كنت فية دة بس برضة انا مبسوط ...الحمد للة الحاجات الكويسة الى الواحد ممكن يفكر فيها بتطلع ديما اكتر من الحاجات الى ممكن تصعب على الواحد عيشتة والى بيبقى الواحد فاكرها صعاب و دية اكبر همة .... الحمد للة على كل شئ.. ومن حمد الكريم زادة
نفسى:الحمد للة
انا:بس يا سيدى فأنا بقى مبسوط بردة انى كبرت.... الموضوع فى نفس الوقت ليس بهذا السوءجميل يعنى
نفسى:طيب يا سيدى ربنا يكرمك و يتمملك على خير ....تؤمرش بحاجة ؟
انا:تشكر يا برنس خلى باللك من نفسك
نفسى:سلام يا ريس
