و الحمد لله مصر كسبت و سحقت الجزائر 0-2 بس و بعدين هو دة الأمل العربي ......وياريتة مجمعنا لأده حتى في الكورة الى هي لعب مش عارفين نشجع عدل .......بعد كل المسابقات بتاعة 0900 و كل الفلوس الى أتصرفت على الإعلانات و كل الهبل اللي حصل و الشتيمة و المظاهرات و الخناقات و كل الى حصل كله ......تانى يوم الى هو النهاردة الراجل الغلبان كان واقف فخور في طابور العيش ......ولا الناس الى عايشين فى حتت مفيهاش ولا نور ولا مية دول حينسوا مشاكلهم و يقولوا مية أية ياعم و مين عايز مية دى مصر كسبت ........والناس العواطلية المرمين فى كل حتة كدة حيبقوا مرميين و هما مبسوطين و حالتهم النفسية مرتفعة مثلا .....كده خلاص خلصت أنفلونزا الطيور و الخنازير من مصر والحرامية والفساد كل المصايب الى عندنا هانت و راحت خلاص عشان كسبنا ماتش(كل دة على الصعيد الداخلى )........الناس محسسانى إننا حنحارب و بصراحة كان فى ناس مكنتش اتوقع منها العتة الى حصل دة وانهم يمشوا مع الموجة بس مشيوا ....واحنا شعب بيقلد وبس احنا شعب مصرى و شعب عربى أهبل ملاناش غير فى العبط ....مش فاهم لحدة دلوقتى لية كل الهوجة دية من الطرفين و الناس على الماتش......وكمان بيتهيالى لو شادية عرفت ان اغانيها بتاعة الثورة و الحرب بقوا بيشغلوها عشان ماتش وناس بيلعبوا كورة وان البلد كلها موقفتش على رجل كدة غير ايام الحرب حتنتحر.....والله حاجة تكسف .....وبعدين محدش يقولى دحنا غلابة و دية الحاجة الى بتفرحنا ازاى يبقى كل املنا فى الحياة ملتش و ان الحاجة الوحيدة الى فى حياتنا و تفرحنا ماتش .......وطبعا باين اد اية الناس بتحب مصر محنا مبنحبش مصر غير فى الكورة ....انا شايف ان الموضوع مش مستاهل كل الهجص والهبل دة و أمن وعلاقات دبلوماسية وسفارة واخبار من قبلها ب5 ايام والريس يروح يشجع المنتخب فى التدريب و كلام فاضى .....ما تشجع بلدك و افرح وهيص من غير ماتبقى بزيادة و أوفر الموضوع فقد حلاوتة و بقى من الى كلنا عملناة فية وحملناة فوق طاقتة بقى مسخ.....أنا بيتهيألى لو أسرائيل طلعت من فلسطين العرب مكانوش حيعملوا العبط دة كلة .....زمستغربين احنا متخلفين لية وعالم تالت لية .....أحنا مش عالم عاشر حتى .....اصحوا بقى مفيش أحط من الى احنا فية مفيش مستوى اقل من الى احنا فية .....أةةةة يا شعب عربى اهبل ويستاهل الى هو فية .....دى حاجة تفقع و تغيظ
