الحمد لله

لية و أنا ماشى فى رمسيس أو محطة مصر أو المنشية الاقى الناس الى فارشين فى الشارع بحجات الى هية بنص جنية والى قاعد يبيع شرابات الخمسة بعشرة جنية والى قاعد بولعات و الى واقف بعربية كبدة و حاجات كدة تفتكروا الراجل ولا الست دول بياخدو كام فى اخر اليوم ومش كفاية ان هما قاعدين و شغالين فى الشارع بس تلاقى يا عينى الراجل و لا الست دية طالعين يجرو ...اية يا عم فى اية الأزالة جاية اجرى يابا اجرى يامة وصباح المعاملة الزبالة الى بيتعملوها بيسرقوا بضاعتهم ويبهدلوهم و يشدوهم على السجن لية يا باشا بس و هما عملو اية اصلهم فارشين على الرصيف و عاملين اشغال يا سلام ....دا انت لو بتقفش تاجر مخدارات مبتعملش كدة دا مش بعيد و بتحصل تلقية مقسم معاة وياخد المخدرات الى معاة و فلوس ويسيبوا و مش بعيد خلاص يسيبو يبيع تحت علمة وياخد نسبتة....وهية دية غلطة الناس انهم بيبيعوا شرابات و ولعات اة هما عاملين زحمة و تلاقى الورق و الكياس بتاعتهم مرمية فى الأرض و موسخة الدنيا وبيضيقونى انا شخصيا علشان بيبقى منظر مش حضارى و مش لذيذ بس برضة دول ناس و عايشين فى البلد دية يبقى من واجب البلد دية توفرلة مكان أو مجمع يحطوا فية الناس دية و يبيعو بضاعتهم علشان يصرفوا على العيال يتصرفوا امال مين يتصرف غيرهم ....مش هما الحكومة و دية شغلتهم اية مش بيلحظوا ان الناس دية بترجع تانى وفى نفس الأماكن... ميعرفوش مثلا الأماكن الى العيال المعفنة بيقفوا فيها ويبيعوا مخدرات اكيد عارفين اذا كان الناس الغلابة الى زينا

وانتا ماشى فى الشارع تلاقى العيال المعفنة دية فى كل حتة و عارفين اماكنهم يبقى البوليس مش عارف اةةةة يا بلد عايزة ولد بس انا مش فاضى

ربع عساكر جبابرة يفتحوا برلين

ساحبين بتاعة حلاوة جايه من شربين

شايله علي كتفها عيل عنيه وارمين

و الصاج علي مخها يرقص شمال و يمين

ايه الحكاية يا بيه؟جال خالفت الجوانين؟

اشمعني مليون حرامي في البلد سارحين

يمزعوا في الجيوب و يفتحوا الدكاكين؟

اسأل وزير الشئون و لا اكلم مين؟

الله يرحمك يا بيرم يا تونسى......مش دا برضو بيرم التونسى؟؟؟؟؟؟؟؟

اةةةةةة يا ناس هبلة و فاضية

قامت رابطة محبي تامر حسني بتنظيم وقفة احتجاجية يوم الخميس الماضي أمام مقر شركه «فري ميوزيك» بمنطقة مصر الجديدة في الواحدة ظهرا، للضغط علي المنتج نصر محروس في محاولة لحل الأزمات المتتالية بينه وبين تامر. ومن المقرر أن يحتشد عدد كبير من رابطي محبي تامر حسني علي موقفه بالإنترنت في ذلك اليوم لعرض جميع مطالبهم ومنها مطالبة نصر محروس بعرض كليب «متوصنيش»

الذي يرفض نصر عرضه علي القنوات الفضائية وإعادة إذاعة أغنيته «مش عارف أعمل حاجة» التي غناها تامر للشعب الفلسطيني علي محطة نجوم إف إم، بعد أن قام نصر بوقف إذاعتها، وسوف يحمل أعضاء الرابطة بوسترات عليها صورة تامر ليظهروا مدي حبهم له. كما طالب منظمي الوقفة الاحتجاجية من كل محبي تامر حسني مساندته في هذه الأزمة كما ساندوه في جميع أزماته السابقة، وأعلن أعضاء الرابطة أن تامر حسني يعرف جيدا ميعاد الوقفة وتفاصيلها، وأكدوا عبر موقعه الرسمي بالإنترنت أنهم لا يرغبون في إشعال «الحرب» بينه وبين نصر محروس فكل ما هنالك أنهم يرغبون في التوصل لحل لأزماتهما المتجددة.

No Comment

No comment
See What You Wana To See

Dead as dead can be

انا كل حبة كدة بحط كلمات الأغانى الى بتبقى طلبة معايا ومعلقة معايا الأغنية دية جمدة هى مش جديدة بس حلوة بتاعة PERFECT CIRCLE علشان محدش يفهم الأغنية غلط هو بيكلم نفسة فى الأغنية يعنى الكلام دة بيقولو لنفسة و دية لينك علشان لو حد عايز يسمع الأغنية و يشوفها

http://www.youtube.com/watch?v=noppzEtbDwM

perfect circle passive

Dead as dead can be
My doctor tells me
But I just can't believe him
Ever the optimistic one
I'm sure of your ability
To become my perfect enemy

Wake up and face me
Don't play dead 'cause maybe
Someday I will walk away and say
You disappoint me
Maybe you're better off this way

Leaning over you here
Cold and catatonic
I catch a brief reflection
Of what you could and might have been
It's your RIGHT and your ability
To become my perfect enemy

Wake up
(Why can’t you?)
And face me
(Come on now)
Don't play dead
(Don’t play dead)
'Cause maybe
(Because maybe)
Someday
(Someday)
I will walk away and say
You disappoint me
Maybe you're better off this way

Maybe you're better off this way (×4)
You're better off this (×2)
Maybe you're better off...

Wake up
(Why can't you?)
And face me
(Come on now)
Don't play dead
(Don’t play dead)
'Cause maybe
(Because maybe)
Someday
(Someday)
I will walk away and say
You fucking disappoint me
Maybe you're better off this way!

Go ahead and play dead
(GO!)
I know that you can hear this
(GO!)
Go ahead and play dead
(GO!)

Why can't you turn and face me?
(WAKE UP!)
Why can't you turn against me?
(WAKE UP!)
Why can't you turn against me?
(WAKE UP!)
Why can't you turn against me?
(GO!)
You fucking disappoint me

Passive-aggressive bullshit... (×12)

حاجات تفقع وتغيظ (5) هما حبو بعض

بقى انا اية شغال و الحمد للة فى مكتبة الأسكندرية وبقالى من ساعة مشتغلت لحد دلوقتى بنزل الفسحة(break)لوحدى مش عارف لية مع انى بقالى بقالى حبة حلوين شغال بس مش بحاول اعمل علاقات جامدة مع الناس علاقاتى بالناس لا تتعدى هزة الرأس او نصبح على بعض مش اكتر المهم فانا بقى لما بنزل الفسحة ربنا ما يكتبها على حد المجمع بتاع الكليات قدام المكتبة فا يا عينى عليا بفضل اتفرج بقى على الناس بتوع المجمع و دمغهم النضيفة ولبسهم الى يهبل الفظيع الجميل الى لايق على بعضة (جتهم القرف)اتمشى كدة فى المكتبة من برة الاقى كل الكراسى قاعد عليها واحد و واحدة على طول الصف وقاعدبن يحبو فى بعض تسيبلهم المكتبة وتطلع تقول انا اقعد على البحر تلاقى برضة واحد و احدة بس مش بيحبوا فى بعض هما عدوا المرحلة دية من زمان (جاتهم نيلة)ماشى ماشى احنا المصريين كل حاجة لازم نخليلها سبب ونقوا اصل و فصل ماشى حنفترض ان انتو الجوز مش بتحوروا على بعض و عاملين قال يعنى بتحبوا بعض و الهجص دة و الحب مقطع بعضة ازاى انت ترضى لنفسك بلاش انت يا عم انت عيل ابن كلب صايع ....ازاى ترضى لل....معاك ان الناس تفضل تتفرج عليكوا وانتو بتزمرو فى بق بعض ولا و انتو بتل...ما علينا ههة ازاى و طبعا الكلام دة ميطلعش غير من واحد قديم زى جاى من التلاتينات مع انى عندى 23 سنة وخاطب بس مش بعمل كدة و اللة علشان زى محنا اتفقنا انى قديم من التلاتينات .....المهم تسيب كل الكلام الفاضى دة و ندخل جوة المكتبة انا شغلى فى الدور التالت فسعات كدة الواحد بيزهق من القعدة و يقول أقوم امشى رجلى شوية فأطلع برة و اقف عند المكتبة من جوة بكون شايف المكتبة كلها القيلك مش عايز اقول الأغلبية ...انما كتير يعنى الاقى اية بقى يا ريس كل واحد واخدلة الموزة وقاعد على مكتب وقال يعنى بيزاكرو بس هما ول بيزاكرو ولا حاجة ولا حاسين بالدنيا اصلا دول قاعدين سرحانين فى بعض و اديلة بقى سهوكة و عتة من بتوع العالم دية ....صحيح عندهم حق اهو بدل ما يروحو كافية و يدفعلة فلوس قد كدة اهو تزكرتين حلوين ب اربعة جنية و حيدخل يقعد فى المكتبة لحد متقفل ولا بقى حد يقلة مينيم ولا حد يقلة انتة بقاللك كتير قاعد ولا حاجة والدنيا هس هس و مافيش احسن من كدة ....اهو هو دة الى احنا فالحين فية اينعم فية ناس محترمة وبتيجى من اجا العلم وبتبقى محترمة بس للاسف التانين اكتر ....و بعدين اوعى وشك من البس الفظيع الى بشوفة ولاد وبنات ....يا جدعان انا شفت النهاردة واد لابس جزمة فيها ترتر و بتلمع و البنطلون كمان فية ترتر ماشى الراجل مش بالترتر بس يمشى يتقصع كدة ولو شفتة من ضهرة متعرفش دة راجل ولا ...(هما تلات نقط مفيش غيرهم) و البنات صباح الى بيعملوة فى نفسهم يا جدعان حد يقولهم ان اى قرد لو لبس بنطلون ضيق و بدى ولبستة نضارة كبيرة من الى بيلبسوهم حيبقى فى الأخر احلى منهم ....... ماشى كل واحد حر فى لبسة البسى يا ستى زى مانتى عايزة الكلام العجيب بتاعك دة بس متجيش فى الأخر وانا شايف كل حتة فيكى وتحطيلى طرحة كدة قال يعنى وتقولى انا محجبة ... البسى يا ستى زى مانتى عايزة بس متقوليش انا محجبة ...اية المشكلة اصل الى انتى عملاة دة مش حجاب ف ازاى تقولى حاجة انتى مش عملاها ..واللة بنات كتير مش محجبين لبسهم انضف و اشيك و محترم اكتر من الى عاملين نفسهم محجبين ..بس متشوهيش شكل الحجاب و فى الأخر الناس تقول بص يا عم المحجبين عاملين ازاى وتبوظ شكلها هى و المحجبات العدلين ....انا مش بعترض على اللبس كل واحد حر فى نفسة هو الى حيتحاسب مش حد غيرة بس يتتحجب صح يا بلاش مش صعبة دية اصلا الكلام مش بيخلص فى الحجات الى تفقع وتغيظ دى حاجة تفقع و تغيظ صحيح

حاجات تفقع وتغيظ (4) انا كدة نضيف و بفهم

هاى عليكو اية هاى دية متعرفش تقول ازيكوا متعرفش السلام عليكم...what's wrong man يادى النيلة متعرفش ماللك يا عم ماللك يا حج
اية مالكو فى اية لسانكو معوج لية يعنى اكون بتكلم مع واحد ويقولى كام كلمة فى النص بالأنجليزى ولا الفرنساوى احس ان انا حيجيلى صرع شلل اى حاجة من العالم دية يروح قايلى... man اية النظام today مش حنروح الmall انا حاخد العربية و انزل يلا i got go now man will call yaاية ياعنى مش عارف تقول الكام كلمة دية باعربى او مثلا مرة و انا فى النادى واحدة ماشية مع ابنها فالواد راكب العجلة و بيجرى ادامها تروح دية قايلالة مودى what i told you before راح الواد باصص فى الأرض و ساكت وراحت امة قالت dont do that again راح الواد قايلها i'm sorry mama اية يا جدعان دة النادى بقى بيدخلوأجان يا حلاوة يا ولاد بس المشكلة ان دول مصريين لأومصرين اوى.... لية يا جدعان اية منعرفش نتكلم بالعربى ولا كدة نضافة...انا معاكو ان فية كلام مبيتقلش غير بالأنجليزى ماشى زى computer و المصطلاحات بتاعتة الخ.....انما حد يكون بيكلمنى ويقول مثلا انا مش مصدق يروح قايل i cant belive it لية يا عم انت ما تقول بالعربى حتنقص حتة حقول عليك معفن ولا انت اصلا لما تقول كدة حتبقى نضيف ...... ايييية خلاص الثقافة مقطعة بعضها مش عارف تقول الكلمة دية بالعربى خلاص بقينا نفكر بالأنجليزى ومش عارفين مرادف الكلمة بالعربى دة يبقى عيب عليك..... اصل لو انت قولت دى نضافة وانا راجل تعليمى لغات ف غصب عنى لازم ازوق كام كلمة كدة فى النص علشان الناس تعرف انى جامد يبقى انت كدة ولاموءخذة اهبل و عندك نقص ماشى فى ناس مبتعملش كدة علشان ولا سبب من الى قولتة دة الطبيعى بتاعهم بس لية دة يبقى الطبيعى لية ميبقاش الطبيعى ان كلامى يكون عربى ولا العربى دة يع مثلا ....لأ دة لغة ومن احسن اللغات فى العالم انما احنا يا شعب اهبل مش عارف قيمة الى عندة و مش المصرين و بس لأ دول العرب كلهم اتفرج على الناس فى التلفيزيون حتحس بالتفاهة لو انت من ليك نفس رأى ولية الناس التانية مش هية الى تحط كام كلمة عربى فى النص و يفتخرو انهم عارفين عربى .....ليم معندناش الهوية بتاعتنا ونكون مفتخرين بيها مش العتة الى الناس فية دلوقتى مبقاش فية حاجة على اصلها دلوقتى اية دة انا اتنرفزت قوى واتحمقت كدة لية انا حخلينى cool احسن دية حاجة تفقع و تغيظ

ياااة عربى انا بحب العربى

كم تمنيت ان تكون لنا هوية عربية حقيقية بجميع مفرادتها (عيشة ,ملبس,كلام,طعام,رجال,نساء,عادات,تقاليد,اسلوب حياة,الخ)ولكن كل شىء ممسوخ الأن لا يوجد شىء على اصلة لن اعدد الأشياء او اذكرها اذكر انت فقط فى بالك اى شىء و ستجد انة اصبح مسخ .ألآ نستحق ما نحن فية انا لا ارى اى سبب للاعتراض على حالنا او ما الت الية حياتنا نحن نستحق هذا و اكثر.

خواطر

اجلس و أفكر فيما اصنعة فى حياتى اجد انى لا استطيع ان اتذوق حلاوتها او احس بوجودها احس ان الأيام تمضى بلا ادنى شعور منى انها تمضى ...احسها فى وقتها ولكن بعد ذلك اقول هل هذا حدث بالفعل ام ان خيالى صور لى هذة الأحداث ......اشعر و كأن شخص اخر هو الذى يعيش فى عالمى و يذهب الى عملى مكانى ويكلم خطيبتى بدلا عنى و انا جالس اتفرج علية من الخارج وافرح لفرحة وأحزن لحزنة ....مع ان ما حققتة فى الفترة الماضية و الحمد للة وبفضلة انا راض تماما عما حققتة وما كنت اطمع فى اكثر من هذا....ولكنى لست ساخطا على حالى انا فقط لا اشعر انى اعيش لا اشعر انى انا الذى احقق هذة النجاحات واخفق بالمرات ....احس ان يومى يتكرر مهما تغيرت ملامحة احسة انة نفس اليوم ....اريد ان اصبح انا الشخص الذى يشعر بالأشياء واستطعمها ....عندما اريد ان اتذكر موقفا حدث لى او ذكريات مهما حاولت استرجاعها لا استطيع وعندما استرجع اى شىء من هذة الذكرى استرجعها وكأنها موقف حدث لشخص اخر وقد قصة على أو كأننى اتذكر جزىء من فيلم
اةةةةةةةةةةة كم اتمنى ان ادخل بداخلى و استمتع بحياتى بدلا من هذا الشخص الأخر الذى يستمتع هو بها وكثيرا ما اجلس و افكر هل هذة المشاعر و الأحاسيس شىء طبيعى لدى البشر وان ما يحدث هو مجرد مرحلة عمرية اخرى امر بها ام ان هذا يحدث لى لانة انا ؟؟!!!!

صندوق الدنيا بقلم : أحمــد بهجــت

دعاء

إذا قال العبد‏:‏ يا رب‏...‏
قال الرب جل وعلا‏:‏ لبيك يا عبد‏..‏
دعونا في بداية العام الجديد نقول‏:‏ يارب‏..‏

دعونا نسأل الله وندعوه دعاء المضطر‏,‏ أملا في تحقيق وعده في قوله تعالي‏:‏ أمن يجيب المضطر إذا دعاه‏.‏
‏
...............‏
إلهي‏..‏ عزت أوصافك عن حروف الناطقين‏,‏ وعلت أذكار قدسك علي أفكار الصامتين‏,‏ فما سبحتك خليقة إلا وتسبيحك أكبر‏,‏ ولا حمدتك برية إلا وثناؤك أعظم‏.‏

سبحانك ربنا وتعاليت‏..‏ لا نحصي ثناء عليك‏..‏ أنت سبحانك كما أثنيت علي نفسك‏..‏

إلهي‏..‏ لا تغلق عنا أبواب دعائك‏..‏ ولا تختم علي قلوبنا بطابع حجابك‏..‏ ولا تكلنا إلي ترددات النفس وتقلبات القلوب‏.‏

اللهم إنا نسألك بكبرياء أوصافك‏..‏ ونسألك بأوصاف أسمائك‏..‏ ونسألك بأسمائك المخزونة في كتبك‏..‏ ونسألك بأسمائك المخزونة في قلوب أنبيائك‏.‏

ونسألك بكل اسم هو لك سبحانك‏..‏ أنزلته في كتاب من كتبك‏..‏ أو علمته أحدا من خلقك‏..‏ أو استأثرت به في علم الغيب عندك‏.‏

اللهم إنا نسألك بحنانك الذي لا يجفو أبدا‏..‏ ونسألك بفضلك الذي لا ينفد أبدا‏..‏ ونسألك بوجهك الباقي أبدا‏.‏

اللهم إنا نسألك بحق أنك أنت الله العظيم ذو الفضل العظيم‏..‏

ونسألك بحق قل هو الله أحد‏,‏ الله الصمد‏,‏ لم يلد ولم يولد ولم يكن له كفوا أحد‏..‏ اللهم إنا نسألك بحق أنك الحي القيوم لا تأخذه سنة ولا نوم‏,‏ له ما في السماوات وما في الأرض‏,‏ من ذا الذي يشفع عنده إلا بإذنه‏.‏

اللهم إن إحساننا كان بفضلك‏..‏ ولا فضل لنا فيه‏..‏ وإن إساءتنا كانت من أنفسنا إلا أن يجيرنا عفوك‏..‏ اللهم إنا نسألك قطرة من بحار عفوك‏..‏

ليكن هذا دعاؤنا في العام الجديد‏.‏