اصفرx اخضر او اخضرx اصفر

بقالى كتير بفكر لية كل حاجة بنعملها منحاولش نخليها معتدلة ...لية لازم نبقى تابعين احد لية مينفعش يبقى عندنا دماغنا

احنا و تفكيرنا احنا لية كل واحد ميبقاش عندة شخصيتة هو ...يعنى مثلا الواحد يمشى فى الشارع اليومين دول احس ان البنات كلها شبة بعض مقسومين نصين نص لابس اصفر فى اخضر و النص التانى لابس زهرى فى بنفسجى و الواحد يبقى خارج كدة من باب العمارة الاقى 5 ولا 6 بنات ماشين مع بعض و كلهملبسين زى بعض الجيبة الجينز الضيقة و الجزمة الكوتشى(فاكرين الجزمة الكوتشى بتاعة زمان الة هيا اصلا اسها كدة و بقت تطلق على اى حذاء رياضى)المهم وبعدين لبسين 5 او 6 حاجات من فوق متفهمش ازاى بيعملوا كدة فى نفسهم بيجيلى احساس ان الفريق القومى للبرازيل ماشى و عندة ماتش فى الشارع عندنا ....المهم يادوب اطلع على اول الشارع الاقى بردة حبة بنات لابسين نفس اللبس اللهم واحدة مثلا لابسة ايشارب مش اخضر...والواحد يبقى قاعد مستغرب امال كانوا بيلبسو اية قبل كدة...وانتو عارفين حجاب اليومين دول عامل ازاى دة الواحد لما بيدخل القميص جوة البنطلون بيبقى مكسوف مش عارف ازاى هما بيعملو كدة ...سامع واحد بيقول وانتا ماللك انت ميلبسوا زى ما هما عايزين ...وانا بقوللك ماشى يا سيدى دية البلوج بتاعتى وانا حر فى رأى وبعدن انا الى بعترض علية يا اما الواحد يعمل الحاجة صح يا بلاش (يتبقى صايع و تقول انا صايع يتمشى عدل انما شغل ال ال ال....مش لقيلة اسم ) نرجع لموضعنا هو الواحد برضة مش بيبقى عايز يحس انة مميز كدة انما الواحد و هو ماشى و لاقى 4 او 5 لبسين نفس القميص بيضايق ويمكن ميلبسوش تانى اش حال بقى البلد كلها لابسة نفس اللبس خلاص مفيش دماغ يعنى الى بيحصل فى اللبس بيحصل فى كل حاجة ...تقريبا و اللة اعلم هما فاكرين ان الى حيلبس اصفر فى اخضر حيبقى مثال للشابة العصرية بالزمة دية دماغ ....وكمان النضارة العجيبة الكبيرة الى زى بتوع الناس بتوع اللحام كلة لبسها اة امال اية علشان الطقم يكمل وقيس بقى الدماغ الى وصلتهم انهم يعملوا كدة قيسة بقى على كل حاجة ....سيبك من البنات يا عم اصل الحكاية دية متأصلة فينا كمصريين ...تلاقى واحد عمل اغنية و فيها كلاكس عربية دة و عجبت الناس على اساس ان كلاكسات بتعجب الناس دلوقتى للاسف(راجع اغانى بعرور) لو فرضنا ان دية اغنية اصلا تلاقى كل العالم حطة كلاكسات فى الأغانى مش مهم هى حلوة ولا اصلا هي اية لزمتها فى الأغنية بس علشان كان فية اغنية فيها كدة يبقى نعملالى علينا ونحط كلاكسات واكيد حتنجح...احنا بتوع ال
copy &paste
فى كل حاجة ودايما كل واحد شايف انة مش عجيب وانة غير كل الناس ودة بقى الى تاعبنى اقول هو انا الى عجيب ومش فاهم ولا الناس بقت مع الهوجة والموجة ساعت بقل ياةةةة انا كان نفسى اعيش فى العشرينات ....كانت الناس وقتها بالها رايق وكانت الناس كدة فى حالها وتلاقى كدة الباشا قاعد فى البيت و لابس الروب وكل خميس حفلة والناس البسيطة زمان كانت نضيفة كدة والحارة زمان شكلها حلو و الناس عرفين بعض والميكانيكى مظفلت شعرة فازلين و شكلة اجر الاجة وتلاقى كلامة محترم اجدع من رجال الأعمال بتوع دلوقتى .....حتى العيال الى رايحة الكلية لابسين بدل كدة والواد شكلة افندى وكرافتة واية يعنى مش العالم بتوع الشبشب ابو صباع........فى حاجات كتير غيظانى يعنى حاجة منهم لية ميبقاش فية الهوية العربية لية دايما احنا فة موقف التابع الضعيف مينفعش الواحد يبقى ظالم مرة بلاش ظالم بس ميبقاش تابع ضعيف عل الأقل ......سبو دة بقى لمرة تانية

ملحوظة:نفسى الاقى المصنع الى بيطلع البنات دية واقفلة و افجرة يمكن الناس تلبس الوان عدلة و هدوم عدلة و الواحد يشوف كذا بنت مش هى بنت و معمولها copy