امبارح و انا راجع من الشغل طلعت على البحر كالعادة علشلن اركب و اروح كالعادة و اخد المشوار الحلو دة لحد البيت .....المهم ركبت ميكروباص و السواق الى فية راجل كدة و دقنة كبير و بيضة المهم اديتة جنية من المكتبة لحد ستانلى راح باصليلى كدة و قالى لسة ربع جنية يا خويا قولتلو لية انا مش مكمل للاخر انا نازل ستانلى اللى هو كدة المهم قولت اوفر على نفسى الدوشة و الصداع و اديلة الربع جنية اهو عربيتة و هو حر فيها و بعدين هوب لقيتة راح مشغل شريط من الى هما بتوع ياتارك الصلاة و كدة قولت حلو اهو الواحد يسمعلوا كلمتين وهو مروح يجدد بيها ايمانة بس مش دة الى لقيتوا....بداية الشريط كانت اية صوت عواصف و برق و رعد وبعدين ناس بتغنى بتقول جيل العصاة يحب المنكرات و يكرة الحسنات ..انا سمعت كدة و قولت اية دة قولت لما نشوف الباقى و بعدين حصل المتوقع وراح راجل بيزعق جدا و عملين صدى صوت ميخلكش تسمع حاجة و عمال بقى انت ايوة انت حتروح من ربنا فين يا كافر يا عاصى لماذا لاتصلى وجهنم صنعت لامثالك من الملاعين و الكفرة(كل دية مقدمة الموضوع)وبعدين بعد كل الى قالة دة تلاقى واحد بيقولك احبتى فى اللة يا سلام دة و هو بيزعق بردة المهم انا مش سامع حاجة السمعات و حشة و الراجل بيزعق و انا بتعصب من الناس دية الى بتبقى فاكرة نفسها كدة مقنعة كان الموضوع اييييية (افة العصر انها افة التليفون)ايوة زى ما سمعتوا كدة خلاص ميعرفش مثلا ان التليفوم ممكن الناس تستخدمة استخدام سليم و استخدام خاطىء خلاص ساب النت و الدش و الولاد المايصة و البنات الى مش طايقة هدومها و المخدرات و بقى التليفون هو المشكلة ومحطش فى دماغة ان ممكن يكون فية ناس طبيعية بتستخدم التليفون استخدامة الطبيعى مش عارف ان المشكلة مش فى التليفون المشكلة فى الى بيتكلم فى التليفون ما علينا فكتنى انا من الكلام دة و فضلت باصص من الشباك اتفرج على البحر المهم السواق دة اصلا تحس انة زهقان من نفسة و مش طايقها اصلا طب يا عكم الحج دة ربنا بيقولك تبسمك فى وجة اخيك صدقة و هو افش على كل الناس الى ركبة خصوصا لو لقى ست الى عايز اقولو ان الناس مش بالمظهر المهم المعاملة واهم حاجة مبقتش موجودة عند اغلب الناس الأداب العامة و مراعاة الغير....المهم نزلت وقولت انا اروح اكل و اريح شوية و بعدين انزل لصحابى...كلت شبعت تقلت نمت و لما صحيت اييية اكيد نزلت المهم بقى قولت اركب الترام و ركبت وقعدت لقيت بنتين اعدين و واحدة منهم ماسكة التليفون الصينى دة وقاعدة و مشغلة تامر حسنى لأ و مش كفاية كدة دية معلية على الأخر و انا قاعد عمال اقول هو يعنى اية الأحداث دة مينفعش يحطوا سماعة فى ودنهم ولا حتى لو مفيش يسمعوا على ادهم مش لازم يسمعوا الترام كلة و لسة مكملتش كلام مع نفسى لقيت عيال من بتوع اليومين دول الى بيلبسوا بنطلون ساقط لأ و اية البنطلون بترتر (اة و اللة بترتر)و تلاقى الواد من دول لابس بتاع 10 حظاظات فى ايدة لا و كمان ماشى معوج و فرحان بنفسة المهم حعملهم post مخصوص العالم دية طلعوا و وقفوا عند البنات وراح واحد منهم مطلع موبيلة ومشغل هو كمان اغانى (حاجة تفقع يا جدع)و انا فى النص بقى وسيل من الأغانى العجيبة بتمر على ودانى منهم ودة الى حاولت افتكرة اغنية واحد بيقول فيها جوجوجوجوجوجو و متفهمش دة عايز اية و يروح فى النص مصوت و العيال اية بقى فرحانين بنفسهم و خلاص هما كدة فى قمة الأنبساط و البنات قاعدين مبسوطين بيهم (الطيور على اشكالها تقع)وفجأة راح واحد من العيال دول مطلع قلم و كاتب بالكبير (توتى حلم بنات مصر ونمرة كدة بعديها)و البنت راحت كاتبة النمرة كل دة وانا قاعد اتفرج و عمال اقول علية العوض و منو العوض و جت المحطة بتعتى ونزلت وانا عمال افكر هو اية الهيافة الى الناس بقت فيها دية مفيش احترام للناس التانية ولا يعنى هو دة مفهوم النضافة لما يبقى معاك موبيل تصدع بية الناس و ياريتة مشغل حاجة عدلة المهم ان الواحد حتى الشارع مش عارف يمشى فيى دى حاجة تفقع.............
