السلام عليكم و رحمة اللة و بركاتة
رجعت يا جدعان من اجازة العيد ياةةةةة كان بقالى كتير مأخدش اجازة وراحو مدينا 9 ايام اجازة مرة واحدة و الواحد بقى راجع الشغل نفسة يعيط و لسة مش مستوعب ان الأجازة خلصت المهم بقى انا قلت يوم الوقفة مش طالبة معايا نزول الناس يتبقى كلها فى الشارع و بتلاقى ناس متعرفش بتيجى منين او بيبقو مستخبين فين طول السنة وبعدين كدة كدة الواحد حيعمل اية فى الوقفة غير الى بيعملوا كل يوم....انا قلت بقى اطلع واعى و اقعد فى بيتنا اتفرج على افلام على الكمبيوتر فتحت الكمبيوتر ملقتش حاجة جديدة قلت انا اخد الهارد و اطلع على سعد صديقى الصدوق يظبطنى فى افلام ....فكيت الهارد و نزلت رحت لسعد و بعد ازيك و الكلام دة و صلنا الهارد و اخدت بقى كل الأفلام الجدبدة عربى و انجليزى المهم ظبط الهارد و دلعتة و روقتة و بقى حيفرقع من كتر الdata الى علية المهم قولتلة انا نازل بقى الى يابنى مش حنخرج قولتلة مافيش جديد نعملة انا حقعد فى البيت اتفرج على افلام على الكمبيوتر قالى اشطة نتقابل بكرة و نزلت انا بقى و راكب التاكسى مبسوط و عايز الحق اروح علشان اتفرج على الحاجة و صلت البيت و جهزت القعدة و عملتلى كباية كاكاو ساخن وروحت موصل الهارد....disk boot failure please insert the system disk اتارى الهارد مش راضى يتقرى وبعد بضعة محاولات الهارد قرى بس كل ما يجى يدخل على windows يروح عامل restart ...يادى النيلة انا مصدقت بقى و قولت حتكلفت و اشغلى فيلم قولت ما علينا كدة بقى لازم انزل windows جديد بس المشكلة ان الحاجات الجديدة انا كنت شايلها فى ال c علشان مكنش فية مكان و انى انزل ويندوز يعنى format c وكدة يبقى ولا كأنى عملت حاجة .....انا قولت انا انزل windows على windows وبعدين افضى مساحة فى اى drive و اشيل الحاجة فية و اعمل format للc براحتى ادور على cd ال windows اختفى ييييييييييية اية الفقر دة وبعد تدوير وقلب للغرفة لقيتة قولت هانت ادوس على زرار الcd-rom مش بيفتح المهم يمين شمال وهات دبوس صغير و طلعة المهم طلع حطيط ال cd .....ان الwindows ينزل ابدا بيطلعلى رسالة عجيبة قولت يعنى حبكت ال cd يبوظ دلوقتى (انا فاكر الcd هو الى بايظ)وفضلت بتاع ساعة اجرب برضة منفعش رحت مكلم مهاب...... اية يابنى اية الأخبار عندك cd windows قالى استنى ادور كدة ....اة عندىقولت طيب انا جى اخدة و نازل على طول ورحت لمهاب اتارى اية بقى ال cd الى عنة مش bootable يعنى ولا ليها اى لزمة قولت ومالة هو مين يعنى حيحصلة الحركات دية غيرى انا المهم مروان كان عند مهاب قالى انا عنى cd bootable قولتلة اشطة و نزلنا نجيب الcd ونروح بسرعة علشان الحق حتى انزل windows وانام المهم طلع جابلى ال cd ونزل رحنا واخدين تاكسى و مرجعة عند مهاب و رجعت انا بقى و عمال اقول ملكش حجة بقى يا واد يا كوكو(الى هو الكمبيوتر)طلعت ورحت داخل الأودة وحاطط الcd الجديد برضة نفس الرسالة قولت اللة دة مش عيب cd دة الهاردشكلة فية حاجة قولت انا ادخل على الdos و اعمل format c ومش مهم بقى الحاجات الى على الc الجديدة المهم اقعد علية دخلت على الdos انى الاقى الc قال اية مش لقية اكتبلو c يطلعلى drive تانى واجيلوا من هنا يا عم يهديك يرضيك برضة مش راضى قولت خلاص هو حالف من اول اليوم ميشتغلش و يعكنن عليا روحت داخل نايم وقولت مش مهم اهو الواحدينام علشان يعرف يصحى يصلى وفية لسة دبح و فرهدة هما ربع ساعة الى نمتها و لقيت الالصلاة ابتدت رحت لبست و باصص للكمبيوتر من فوق لتحت و نزلت .....ياةةةةةةة على الحظ الجميل كانت احلى وقفة
الى اللقاء يا ولاد
