يا جماعة أصحو يا جماعة

يا جماعة أصحو يا جماعة الشمس صحيت يا جماعة ....اخويا كان بيصحنا كده زماااان أيام ابتدائي لما كنت أنا و هو مع بعض في نفس الأوضة المهم وأنا مسافر البلد معدين بالعربية على كفر الدوار ألاقى يافطة كبيرة وعليها صورة الريس ومكتوب كفر الدوار ترحب بكم وبردة نفس اليافطة بنفس الصورة مكتوب عليها تصحبكم السلامة محافظة كذا .....وخد بقى عندك الموضوع دة على كل البلاد والقرى و الكفور و النجوع لحد م و صلت بلدنا .....بس لما نزلت القاهرة عشان ازور خطيبتي لقيت راجل فاتح صيدلية بس اليافطة بتاعتها بردة عليها صورة الريس الله طب آية العلاقة كمان لو قعدت تحسب فيه كآم مدرسة اسمها مبارك وكآم مستشفى وكآم مركز شباب يااااااة دة غير المحطات و الشوارع و المزارع كمان دة غير أنة عند اى مقر للحزب الوطني لازم تلاقى 3 أو 4 صور كبيرة للريس ...كمان لو عديت على اى محطة ترام اتجديدت أو أنشالة حتى فسقية ولا نافورة ايوة الله حتلاقى مكتوب تم افتتاح في عهد الريس مبارك طب دية مالها ومال الريس ...عمرك كدة فى فيلم امريكانى ولا فرنساوى لقيتهم كدو معلقين صورة بوش عند يافطة مطعم ولا عند الكارتة بتاعة نيويورك ولا مثلا لقيناهم راحوا مسمين البلد بأسمة ابدا.... ولا مثل عند باب الحزب الى بوش تابع لية علقوا صورتة علية ولا صورة اوباما مفيش خالص الكلام دةيا عم مش امريكا اى حتة فى اوروبا ولا بلد من دول فكك من باكستان و الناس دية علشان زينا نفس النظام ....من الأخر كدة زى ما اخويا قالها من زمان... يا جماعة أصحو يا جماعة