ياةةة إنا بيتهيئلى أنى لو قررت أنى مبطلش كتابة عن الحاجات الى تفقع و تغيظ في المحروسة مش حبطل كتابة يا مكتر الحجات دية فى بلدنا .......يعنى اية يعنى اركب ميكروباص و اجى ادى السواق الجنية الفضة دة ميرضاش ياخدة يوقلى اصلة مش بيتصرف يا بية يحسسك مثلا انة عايش فى بلد تانية و انت بتديلو عملة تانية صباح الغباء هو انا يعنى عملة على ايدى م الحكومة بتاعتك و بتاعتى هيا الى عملاة و لا انا جيبو من بيتنا المهم انا بصيت للسواق و قولتلة انت عارف انت بتقول اية...قالى بقول اية يعنى قولت اشتغلة رحت قايلة يعنى لو واحد حكومة غيرى سمعك بتقول الكلام دة كان وداك فى داهية الراجل ساكت مبيرودش المهم الموبيل بتاعى رن رديت كان اخويا و انا اخويا ظابط و كان بيتصل بيسلم عليا قبل ما يمشى فانا بقولة اية يا باشا انت رايح على الوحدة على طول قالى اة وكلام من دة المهم اخويا قفل وانا عملت نفسى قال يعنى بتكلم و قولتلة قول لمحسن باشا انا عندى حملة النهاردة ومش حقدر اجى فى المعاد و حتأخر شوية فخلية يبعت العسكرى على البيت ياخد الأوراق (اى كلام فى الهجايص)المهم السواق قاعد ساكت و مبلم.... و بقولة والى معوش غير الجنية الفضة قالى يا باشا من غير فلوس وانا بضحك مع سعادتك وفضل يجيب ورا(عالم تفقع)قولتلة لا حقك تاخدة و اديتة الجنية الفضة و قولتلة متبقاش تقول العبط الى كنت بتقولة دة تانى .....اهو الموقف دة يبين مدى سذاجة الشعب المصرى هو مرضيش ياخد الجنية علشان هو عايز يريح دماغة و يمكن حد ياخدة و يمكن مياخدوش طب وانا برضة مالى و اية اصلا الى يمنع الناس انها تاخدة مش عملة و الحكومة عملاها مش عارف اية سبب رفض الناس ليها ......ماشى مش حتكلم تانى عن الشعب المحدث الى طول ما هو راكب ولا ماشى مشغل الموبيل على اغانى ما يعلم بيها الا ربنا خلاص الشعب كلة ودانة موسيقية و مبقدرش يقعد الربع ساعة الى رايح المشوار فيها ساكت لازم يسمع مزيكا ياعينى ...انما ابقى راكب المترو و الاقى عيال اكبر واحد فيهم عند 17 سنة وقاعدين على الأرض وعمالين يطبلوا ويغنوا اغانى اعوذ باللة حاجة تقرف وواحد منهم ماسك الزمارة بتاعة المتشات وعمال يزمر اية قلة الأدب والبجاحة دية ولا فية مراعاة للناس الة قاعدة وكل واحد عمال يشتمهم فى سرة طب مدام متضايقين كدة متسكتوهم انا قولت اعمل نفسى ايجابى ورحت للعيال وقولتلهم متبس يا عم انتا و هو متبطلوا صداع ودوشة...وخد كلام وقلة ادب كتير رخت انا قليت ادبى انا كمان راح واحد راجل محترم قايم وقال صلوا على النبى يا جدعان دحنا اول يوم عيد وبصلى و قالى وبعدين يا استاذ متسيب العيال تفرح و تعيد ....صحيح عالم معفنة ورحت سايبهم ونازل وراكب عربية تانية اتارى العربية التانية الى ركبتها كانت بعد عربية السيدات علاطول الاقيلك اية ...البنات قاعدين فى العربية يطبلوا ويرقصوا وهاتك يا زغاريد بصراحة مبقتش طايق نفسى من المنظر اية الى الناس بقت فية دة فين دماغ الناس و فين التفكير و فين الأحترام و اللة ساعتها افتكرت امى كانت بتقولى زمان ان لم تستحى فأفعل ما شئت صحيح و اللة الناس مبقاش عندها حياء و بعدين تحس بكمية غباء بتشر من الناس دية ازاى يعنى هو دة معنى الفرحة هندهم انتو كدة بتفرحو يعنى ماشى يا عم طبل زمر خبط براحتك بس احترم الناس التانية مش لازم تشركنا فى فرحتك دية ......دية حاجة تفقع يا جدع
