لله على حبك انت
مبحبش غيرك انت
والدنيا عندى انت
والدنيـــا عليك شويـــة
......................
ضحكت عينك لعينى
ألله الله يا عينى
من يوم ما شافتها عينا
بتلف الدنيا بيـــا
امال انا كنت بعمل اية فى حياتى قبل كدة ....ازاى يعنى مكنتش بصحى على صوتها وهو اصلا اليوم كان بيعدى ازاى كل م اجى افتكر حياتى قبليها و كنت بعمل اية مفتكرش حاجة و لو افتكرت بلاقيها فيها ...ياةةةة انا حاسس انى عارفها من حضانة او قبل حضانة كمان اول مرة اشوفها فيها دية كنت حاسس انى زى الى راكب القطر بتاع دريم بارك او الصاروخ عارف كدة الأحساس الى بيبقى جوة دة و لقيتها جاية عليا....أوبااااا دى طلعت اجمد وأحلى ما كنت فاكر (واللة وامك دعيالك يا واد)امسك نفسك كدة و خليك جامد وبعدين كل ما يعدى الوقت افضل اقول الجملة دية ( دى طلعت اجمد وأحلى ما كنت فاكر)بمقايسس الناس بتوع دلوقتى يبقى هى كما يقول الكتاب واهم حاجة فى الموضوع ان هى احلى واحدة شافتها عينى و دة المهم مش مهم اى حد تانى المهم ان انا شايفها احلى حاجة اتوجدت.... لو تتكلم عن المجدعة اجدع من 100 راجل فى بعض....لو تتكلم عن الجمال دة جمال واللة يكون فى عون كل الى شافك منتى اصللك صعب و صفك من جمالك ...تتكلم عن الدماغ الدماغ المثالية التى يبحث عنها الرجل ...بتفهم الواحد وبتقدر الواحد ودية طبيعة فيها مش بتعمل كدة علشان انا عايز كدة ولا علشان لازم تعمل كدة لأ بتعمل دة علشان هى كدة ....وعلى فكرة مش لازم تبقى زى فى كل حاجة علشان نبقى متوافقين مع بعض لا دى احلى حاجة ان فيها حاجات مش فيا و العكس علشان كدة بيقولو على الى بتحبة نصك التانى علشان بيكمل الحاجات الى مش عندك ....اصلا يمكن لو مكنتش موجودة فى حياتى كان زمانى لسة بدرى عليا ولا كنت فكرت فى حاجة وماكنتش حتفرق معايا شغال على طول ولا لسة ولا شغال بكام ...مكنتش حلاقى حاجة تفرق معايا بس هيا فرقت معايا أوى دى مش نصى التانى دية تقريبا كلى التانى ....بحبها اة بحبها ....ياةةة تخيل كدة تلاقى حد بيحبك بجد مش الهجص بتاع اليومين دول.... لا دة بجد و مسئولية و أدها كان فية أغنية كنت كاتب فيها مواصفات الحبيب الى انا عايزة والى لقيت اكتر من الى انا عايزة كانت بتقول اية بقى.....
يعنى اية كلمة حبيب........يعنى قلب بعمرة شاريك
نفسة يفضل دايما معاك.....نفسة يوم يحس هواك
لو فى يوم بتغيب علية ....تلاقى الحزن جوة عنية
ولما تقرب منة تلاقى.....الفرحة بتبقى جوة عنية
يعنى اية كلمة حبيب........يعنى قلب بعمرة شاريك
نفسة يفضل دايما معاك.....نفسة يوم يحس هواك
ولما الدمعة بتنزل منك....تلاقى عيونة بتبكى عليك
لما يقولك انا نفسى اضمك....واللة انا عمرى شوية عليك
خلينى معاك بلاقى وياك.....سنين احلامى وعمرى الى فات
يبقى هو دة الحبيب......الى من قلبك قريب
الى تقضى عمرك معاة.....تعشقة و تدوب فى هواة
طب ازاى الاقى حد بيحبنى الحب دة كلة و محبوش اكتر منة... ياة يا جدعان عمال ادور على كلمة اقوى من بحبك وليها معنى يقدر يوصل الى حسة بس مش لاقى ...بس بجد انا مش مصدق اننا مع بعض بقالنا اربع سنين اهة...يارب ميحرمنيش منك بجد ويخليكى و يهديكى يا احلى و أغلى و أجمل حاجة حصلتلى و شوفتها علشان انتى انا ....وعارفة انا اكتر برضة
