هو ليه بلاحظ إن اى حد يلبس نضارة سوداء بلاقية مكشر و علامات الجدية على و شة و ماشى بسرعة ليه مش عارف
ولية بلاقى الولاد لما بنت بتعدي تلاقى كلهم رقبتهم اتلوحت ورآها وكله عمال يبحلق وشكلهم أهبل أوى و تلاقيها تبصلهم بقرف و هما مبسوطين ...أية مش حاسس إن كده شكلو أهبل أينعم التتنيحة دية ساعات بتيجى بفايدة بس لما تتفرج عليهم تلاقى الواحدة من دول معدية و لبسه الى بيقولو علية لبس اليومين دول و طبعا مش حننسى النضارة بتاعة اللحام الى أكيد لبساها و أكيد لو شالتها حيرجعوا في كلامهم إنا عن نفسي بحس بصباح الهبل ليه اخلي شكلي أهبل علشان الطفاسة بحس إن الولاد دول عندهم نوع من الأستخسار أنة واحدة تعدى من غير ما يجرب حظة
ولية دايما بلاحظ إن الناس لما بيعدوا من قدام المكتبة كلها قزاز من الجنب يفضلوا يعدلوا في شكلهم والله عمل هبل للناس القزاز دة
ولية ديما بلاحظ إن لما بتبقى عايز تفك فلوس متلاقيش و تروح لكذا واحد تطلب فكه ميرداش و يحلف أنة معندوش فكه في حين انك لو اشتريت حاجة بنص جنية حيفكلك العشرين جنية إلى أنت دايخ و عايز تفكها من الصبح
ولية ملاحظ إن قانون المرور الجديد ولا ليه اى لازمة ولا عمل اى جديد ولا حقق الهدف من وجودة
ليه عندنا عقدة الخواجة في كل حاجة..... يعنى لو عند المكتبة مثلا و لقيت كام واحد اجنبى قاعد على الأرض و الناس معدية يقولك شوف الناس دية بسيطة ازاى و معندهاش عقد إنما لو مصريين تلاقى بقى كل اناس تنتقد ويقولوا دة منظر في حد يعمل كدة وتلاقى بتاع الأمن علطول يجى يقومك طب و الله مرة واقف في الراحة بتاعتى و بعدين ألاقى واحد اجنبى لابس بليزر بدله على شوورت على كوتشى انا تنحت و قولت اية دة ...الناس الى معايا بقى قالوا شايفين الناس بتوع بره بساط ازاى و معندهمش عقد و عندهم حرية ...
ولية ملاحظ إن جرائم القتل كل يوم بتزيد.الجرائم دية في من كل نوع ذبح....شنق..تقطيع...سم ...ضرب نار ..عادى كده
ولية عندنا حاجات كتير بنعملها عشان هي كده و خلاص مش نكون مقتنعين بيها بس بنعملها عشان الناس مش اكتر ودية بقى ليها أمثلة كتير تقريبا أغلبية الحاجات الى بنعملها .
