ورجعت تانى .....كنت محتاج أنا اليومين دول كنت محتاجهم أوى ...اتضح ليا إن أنا لما بتقفل معايا بتقفل خالص يعنى و لا كنت عارف اشتغل ولا اخرج و لا اعمل حاجة كأني وقفت في مكاني وفصلت شحن والكلام دة حرفيا مش تعبير مجازى ....كان نفسي أوى أقعد على البحر بالليل وفعلا يوم الخميس بعد الشغل رحت مروح وضارب البنطلون الجينز والتي شرت والنضارة وسمعاتى في ودانى و رحت طالع على نيس........ ياة على المتعة لما على الساعة واحدة كده رحت طالع على البحر وجيبت chaise long ونمت كده علية وفضلت مسقط للسما...... والهوا عمال يخبط في دماغي و وشى وحاسس بحرية وانتعاش فظيع بيتهيألى كنت حتكيف اكتر لو كنت حالق شعري .......
و بعدين كلمت خطيبتي حبيبتي وفضلت بتاع ساعة بتكلم وأتكلم وأتكلم و هي قالتلى مع أنى كنت عايزة أشوفك الأسبوع دة بس قولت انك حتنبسط اكتر و حتفك لما تطلع الساحل وأنا كنت عمال أطلع في كلام أنا عن نفسي كنت مبسوط بيه.....وكانت طالبة معايا انزل البحر على الفجر بس طلع ممنوع وأنا أتغاظت بس قولت مش مهم .........إحساس حلو انك تبقى قاعد مفسى دماغك من كل حاجة و مفيش ولا حاجة كنت بفكر فيها أو حاطتها في بالى كأني سيبت أسامة في إسكندرية وروحت أنا ....ياة هو مينفعش البلد كلها تبقى عملة زى نيس في الساحل كده الدنيا هدوء وناس جميلة ومفيش زحمة وصباح الأمان ويبقى هي دية عيشة الواحد يالا ما علينا الحمد لله على كل شيء وأدينا رجعنا إسكندرية تانى ولروتين اليوم العادي تانى ونفس الحوارات .....وأنا راجع بقى من الأجازة القصيرة دية كنت حاسس نفس احساسى لما كنت في ثانية ابتدائي وإجازة نص السنة خلصت وانك بكرة رايح المدرسة وتقول منا كنت نسيتها بقى ......
بس الى مهون وباسطنى أنى إنشاء الله الخميس الى جاى مسافر القاهرة اشوفها تانى ...مش عارف ازاى بيحصل كده بتوحشنى ازاى أوى كده حتى لما بكون معاها بيبقى عندي إحساس أنها حتخلص وأنى عايز أحوش منها كتير وأول ما بشوفها بيبقى نفسي أخدها جوايا وأخليها جوايا شوية وأحس ريحتها وريحة شعرها ....بحس أنى روحت مكان تانى انفصلت عن العالم الحالي ورحت حتة تانية خالص .....وبعدين أكتشف كمان إن لما أبويا كان بيقولى لما تحب حد بتبقى فرحان لفرحة وأنا أقول هو أية دة وأنا افرح بتاع أية .....طب هو جالة فلوس مثلا أنا كسبت أية ....اتارى الكلام دة طلع بجد وأنى لما بشوفها بتضحك بحس أنى عملت الى عليا وأنى أجمد واحد في الدنيا ببقي بقول دى بتضحك بسببي أنا وكمان لما بتزعل هي بتفتكرنى أنى قلبي جامد عليها وأنى مبتفرقش معايا بس الموضوع بيبقى غصب عنى عشان أنا بحبها جدا زائد أنى شخص متقلب هوائي يعنى بس لما بنتصالح أحم...... المهم أنها وحشاني جدا وأنا عايز أشوفها دلوقتى حالا عشان وحشتني أيديها الصغنونة ووحشتى ضحكتها وحشتني أنى أشوفها قدامى .يا حبيبتي اغنيتى أنا وانتى آهة
شايف البحر شو كبير كبر البحر بحبك
شايف السما شو بعيدي بعد السما بحبك
كبر البحر و بعد السما بحبك يا حبيبي بحبك
نطرتك أنا ندهتك أنا رسمتك على المشاوير
يا هم العمر يا دمع الزهر يا مواسم العصاقير
ما أوسع الغابة وسع الغابة قلبي
يا مصور عبابي و مصور بقلبي
نطرتك سنى يا طول السني و اسأل سجر الجوز
و شوفك بالصحو جايي من الصحو و ضايع بورق اللوز
ما أصغر الدمعة أنا دمعة بدربك
بدي أندر شمعة و تخليني حبك
