الحمد لله أجد إننا كشعب مصر العظيم نتمتع بالكثير من الثقافات المختلفة المتنوعة التي و إن أردنا إن نصدر منها للخارج سوف نجد لدينا ما يكفى و يفيض و لكننا لن نجد من يرضى بهذه الثقافات لأنها بالنسبة للبقية البشر ليست ثقافة بل عادات غاية في السوء .أتجد مثلا احد يرضى بثقافة القسوة او بثقافة الضجيج أو ثقافة أنا حشري ......وهو دة و الحمد لله الى بنتميز بية و موجود عندنا ... و اختفى من مجتمعنا ثقافة الأحترام و احترام إن فيه حاجة اسمها الغير ....تحس إن كل و احد في البلد دية فاكرها بلد أبوة عايش فيها لوحدة ولا فاكر مثلا أنة نسمة حلوة معدية محدش حاسس بية و لا حاسس بالدوشة الى عاملها .....خد عندك مثلا أنا رأى إننا كشعب...شعب شعب (عمال أدور على كلمة مش أبيحه بس مش لاقى ) هو إحنا شعب علق ولا مؤاخذة و شعب يخاف ميختشيش طب والله صدق الى قال المقولة دية عايز تعرف إننا شعب يخاف ميختشيش شوف سواق الميكروباص لما الضابط مبيبقاش موجود مثلا تلاقيه يروح و اقف في نص الشارع يحمل و ينزل الناس في اى مكان ....فكك من سواق الميكروباص اهو راجل على قده إنما مثلا و احد راكب عربية نضيفه و شكله راجل نضيف و يروق قاطع الشارع من نصه و معدي الجزيرة الى في نص الشارع عشان مستخسر يمشى كام متر بالعربية ة يلف الصينية زى مخاليق ربنا ....واهو راجل متعلم و نضيف إنما دية سما من سماتنا...و مش بعيد تلاقى الراجل عمال يشتم في البلد و ا نهى فوضى و مفيهاش نظام ....و كمان أتفرج على الناس و هي بتسوق أفضل أقول أية الناس بقيت عبيطة كده ليه تلاقى الشارع ماشى و كل حاجة و عربية تقف عشان واحدة ست كبيرة تنزل مثل أو وواحد بينزل شنط من العربية ت....تلاقى العربية الى وراك عمالة تزمر و الراجل محموق مش مثلا كلاكس و خلاص لأ دة يفضل معلق ايدة على الكلاكس ...تقوم تقفش في دماغي وأقول أية بروح أمة ماله مش عارف يستنا دقيقتين وتكون أنت فعلا معداش ثلاثين ثانية على وقوفك بس يحسسك انك واقف من أمبارح ....أو مثلا لو أنت واقف في إشارة تلاقيهم عمالين يزمروا بطريقة مستفزة مبيفكروش مثلا إن دية دوشة وان الى بيعملوة مالوش فايدة وتلاقى السواق من دول مش يمشى في الحارة بتاعتة ...لأ.....دة هو ماشى و بعدين يلاقى إن الجنب اليمين بدء يقف يروح هوب كاسر شمال فجأة عشان يمشى في الحتة السالكة و بعدين الحتة الشمال تقف يفضل واقف يزمر و بعدين و هو بيزمر يلاقى إن فيه حتى يجى 3 متر على يمينه فاضيه ...يسيبها لأ طبعا أزاي يروح كاسر على الأخر عشان يخش فيها ...أل يعنى كده حيوصل بدري مثلا ...و الى بيعمل الحركات دية كذا واحد و بتحصل في نفس الوقت عشان كده تلاقى شوارعنا العربيات ماشية فيها في جميع الأتجهات ....وفى الأخر يتزنق ولا يخبط في حد و ينزل يتخانق ...طب منتا الى من الأول عمال تحرك و تفرك و مش قادر تستني 5 دقايق خلاص يا عم مدام أنت جامد أوى كده و مستعجل شغل خاصية الطيران الى عندك في العربية وطير و لو معندكش خاصية الطيران يبقى تخرس خالص و تبطل دوشة و تمشى باحترامك .مثال تانى بيدل على ثقافة العشوائية الى كمصريين نعتبر من مؤسسين هذه الثقافة .....يعنى مثلا شارع البحر دة كبير و عريض و أنا شاي فان عبوره دة مخاطرة في حد ذاتها عشان كبير و كمان عشان الحلوين الى لسه قايل عليهم يسوقوا أزاي و الحمد لله الحكومة عملت للناس نفق ...بس ثقافة العشوائية تطغى عليهم و يقولك نفق مين يابا العمر و احد و الرب واحد ...تسمع الكلام دة و تبقى نفسك تدى للي بيقولك كده في و شة ...أية الكلام الأهبل ولا يقولك أنا لسه حمشى لحد النفق مع إن غالبا كل الى بشوفهم بيعدوا الشارع بيكون من عند النفق أو من قبلية بشوية و كده كده لما بيعدوا بيشموا شوية و بردة بيوصلوا للنفق .....طب متعدى من الأول من النفق زى أمبارح واحد عنده أعاقة في رجلة و جة من عند النفق بالظبط و بيعدى الشارع ...آهة دة كان حيتخبط يجى 9 مرات بس ربنا ستر بس عند نفق تانة و احد واخد مراتة و بيعدوا الشارع من عند النفق بردة بس للأسف مكنوش بالسرعة الكافية ........
ليه متعرفش أية حيجرى لما اعدي من الكوبري ولا النفق مدام دة حيحافظ عليا ...وأية يعنى حتأخر 10 دقايق مثلا مش أحسن من أنة أتأخر خالص و ياسيدى لو النفق وقع عليك على الأقل حتموت بضمير مستريح .....كمان بنتمتع بثقافة الغباء أنا بجد الموضوع دة تاعبنى البنات الى عاملين نفسهم متحجبين بجد مش عارف عاملين كده ليه يأما تلبسي كل الى نفسك فيه و حنبقى مبسوطبن بس بلاش تيجى بمنظرك دة و تروحى لبسه حجاب انتى كده بتريحى ضمير مين ....و بعدين أبقى ماشى والله وألاقى الراجل دقنة قد كده و الزبيبة واخدة دماغه كلها و الأقى بنته ماشية معاة لابسة بنطلون مجسم جسمها كله و بدى مبين اكتر ما هو مخبى ...أية يا عم الحج مش واخد بالك مثلا ازاى ترضى بدة و تلاقى الست لابسة محترم و بعدين تلاقى بنتها ماشية معاها ولابسة البتاع الجديد دة الى هو بنطلون ملزق من كل حتة هو البدى و لبسة فوقية بتاع عامل زى البيجامة كده ......المهم الست دية أية منطقها أنها تسمح لبنتها أنها تعمل كده أية منطق أبوها ولا أخوها أصل مينفعش أكون أنا مثلا الوحيد في البلد الى باخد بالى إن لبس بعض المحجبات تحس فيه أنها بتقول ياة أنا نفسي أمشى عريانة بس للأسف مينفعش فا أنا حلبس ضيق على قد ما اقدر و ربنا يقدرني و أبين الى اقدر علية أو أنى بشوف كل حاجة في جسمها مش بتتكسف ازاى في حين إن في بنات تانية ممكن متكونش محجبة ولابسة نفس اللبس الضيق بس تحس أنها محترمة مش بتعمل كدة و خلاص او لسبب واطى لأ عادى و أنا معاها هي حرة و مش وحش إنما لما تعملي كده و تقولي أنا محجبة يبقى لأ كفاية بقى فضحتونا في كل حتة و بقوا بيقولوا بص شوف أدى المحجبات أهم هما دول الى بتقول عليهم محجبات يا فرحة أمك بيكى وانتى مغطية حتة من شعرك في حين إن كل جسمك باين و المهم أنهم مش مقتنعين بالى بقولوا وتلاقى لسان حال الواحدة منهن يقول: «عجبًا لهؤلاء الشباب.. كشفت عن صدري وضيقت الفستان علي ردفي، وبرغم هذا يصرون علي عدم التعامل معي كإنسانة بل يريدون الظفر بهذه الأشياء.. يا لهم من حيوانات. الفتيات يعتقدن فعلاً أنهن يعرفن السلعة الوحيدة التي تضمن لهن المستقبل، ويتصرفن علي هذا الأساس لكنهن يتضايقن عندما يحاول الجمهور غير المستهدف الحصول عليها !..
و الحلو عندنا اننا عندنا مبررات لكل حاجة و مسخنا العادات و التقاليد و شكلناها على مزاجنا علشان تمشى على هوانا بس للاسف شكلها بقى وحش و أتقلبت الموازين و بقينا شكلنا عامل كدة.....دى حاجة تفقع و تغيظ
